Møte mellom energiministeren og EU sin energikommissær

Fredag 11. april møtte energiminister Terje Aasland energi- og bustadkommissær Dan Jørgensen i København. Blant temaa dei diskuterte var elektrisitet, karbonfangst og -lagring (CCS), forsyningstryggleik for gass, og dei neste stega for energidialogen mellom EU og Noreg. Sjå innlegg på X frå Noreg sin delegasjon til EU.

EU sin energikommissær Dan Jørgensen og Noreg sin energiminister Terje Aasland (Foto: Energidepartementet)

Rådet kom 11. april til semje om ein forhandlingsposisjon om vidareføring av gasslagerforordninga med to år. Energikomiteen i Europaparlamentet vedtok sin posisjon i dag, 24. april. I mai vil Europaparlamentet røyste over posisjonen i plenum. Deretter vil Rådet og Europaparlamentet byrje forhandlingar om saka.

EFTA sitt overvakingsorgan, ESA, har i april publisert ein uttale om CO2-lagring i Noreg og ei pressemelding om godkjenning av modell for statsstønad til flytande havvind i Utsira Nord.

I dag vart det halde innspelsmøte om EU sin «Clean Industrial Deal», arrangert av Nærings- og fiskeridepartementet, Klima- og miljødepartementet, Energidepartementet og Utanriksdepartementet. Møtet kan sjåast i opptak.

Skrive av: Martin Skjerping Lund

Spørsmål om Energinytt? Kontakt oss
Ønskjer du å abonnere? Klikk her
Vil du melde deg av? Klikk her