Energikommissær Dan Jørgensen var i dag, 12. februar, i Alger for å delta på det årlege høgnivåmøtet for energi mellom EU og Algerie. Hovudmålet med besøket var å styrkje energipartnarskapet mellom EU og Algerie. Besøket inngår òg i EU sitt arbeid for å sikre auka diversifisering av energiforsyningar i lys av utfasinga av russisk gassimport, skriv EU-kommisjonen. Samtalane med dei algeriske energiministrane Mohamed Arkab og Mourad Adjal omfatta naturgass, fornybar energi, hydrogen, mellomlandsforbindingar og energieffektivisering.
Energikommissær Dan Jørgensen i Alger. Foto: EU Audiovisual Service
La fram forslag til nye sanksjonar
EU-kommisjonen la 6. februar fram forslag til ei 20. pakke med sanksjonar mot Russland. Sanksjonane retter seg mot energisektoren, finansielle tenester og handel. Blant tiltaka er forbod mot å yte tenester til fartøy som fraktar russisk råolje, og listeføring av ytterlegare fartøy som er del av den såkalla skyggeflåten.
Varslar energiframlegg i mars
EU-kommisjonen vil 10. mars leggje frem tre nye initiativ på energiområdet: ein investeringsstrategi for rein energi, ei energipakke retta mot innbyggarar og eit initiativ knytt til utvikling av små og modulære kjernekraftreaktorar.
Statusrapport for energi
Spesialutsending for energi ved Noreg sin delegasjon til EU, Johan Vetlesen, samanfattar den siste utviklinga på energifeltet i EU. Rapporten inneheld ei oversikt over dei viktigaste sakene som blei drøfta under det danske EU-formannskapet og i byrjinga av det kypriotiske EU-formannskapet.
