Måndag 7. april hadde energi- og bustadkommissær Dan Jørgensen møte med representantar frå kjernekraftindustrien. Tema for møtet var investeringsbehov, og moglegheiter og utfordringar for sektoren. Ved sida av fornybar energi, vil kjernekraft spele ei viktig rolle for elektrifisering og avkarbonisering av EU sitt energisystem, sa Jørgensen.
Energikommissær Dan Jørgensen møtte representantar frå kjernekraftindustrien måndag 7. april (Foto: Xavier Lejeune, EU)
Rapport om gassituasjonen til sommaren
I dag publiserte det europeiske nettverket for transmisjonssystemoperatørar for gass (ENTSOG) ein rapport om forsyningssituasjonen for gass til sommaren. Rapporten vurderer ulike scenario for forsyningssituasjonen mellom april og september. ENTSOG understrekar at det blir viktig å byrje med etterfylling av europeiske gasslager så tidleg som mogeleg.
Energiministeren møter energikommissæren i København
Fredag 11. april vil energiminister Terje Aasland møte EU sin energikommissær Dan Jørgensen i København. Tema for møtet er saker som er aktuelle for samarbeidet mellom Noreg og EU på energiområdet.
Europeisk veke om berekraftig energi
EU-kommisjonen har opna for påmelding til «European Sustainable Energy Week», som finn stad i Brussel og på nett 10.–12. juni.
