– Konkurransekraft og avkarbonisering går hand i hand
Energi- og bustadkommissær Dan Jørgensen deltok denne veka på arrangementet «International Energy Policy Forum» i regi av Financial Times. Der tala Jørgensen om EU-kommisjonen sin komande handlingsplan for rimeleg energi. Han sa at han vil utforske alle moglegheiter for å redusere energiprisane på kort sikt. Han understreka samstundes at det vert viktig å ta gode avgjerder for lågare prisar på lengre sikt. Han peika i den samanheng på betre samankopling av energisystema, oppgrading av straumnetta, utbygging av reine energikjelder og framskunda elektrifisering. Jørgensen var tydeleg om at EU vil halde fram med den grøne omstillinga, og sa at rimelege energiprisar og konkurransekraft går hand i hand med avkarbonisering.
Dan Jørgensen tala under «International Energy Policy Forum». Foto: Christophe Licoppe, EU 2025
Høyring om grensekryssande energiprosjekt
EU-kommisjonen har opna ei høyring knytt til infrastrukturforordninga og den andre lista over prosjekt av felles interesse (PCI) og gjensidig interesse (PMI).
Energiprisar for hushaldningar
EU sitt energibyrå ACER har publisert oppdaterte tal om energiprisane for hushaldningar i EU-landa og i Noreg i perioden januar 2019 til desember 2024.
Webinar om «Net-Zero Industry Act»
EU-kommisjonen arrangerer 13. februar eit webinar om regelverk under forordninga for produksjon av nullutsleppsteknologiar («Net-Zero Industry Act»).
